17 апреля 2024

ДАТИТИ АЛАН – УÆРÆСЕЙ БÆГЪАТÆР

31.03.2023 | 13:26

Президент Владимир Путини Указæй Иристони хъайтар фурттæй еу – æфсæддон тæхæг, майор Датити Аланæн лæвæрд æрцудæй Уæрæсей Бæгъатæри ном.

Президенти Укази куд загъд ес, уотемæй Датий-фурт, Украини зæнхæбæл сæрмагонд æфсæддон операций архайгæй, равдиста æгæрон лæгдзийнадæ, фæнзуйнагæй æнхæст кодта æ размæвæрд тугъдон нисантæ. Уой хинцгæй, Датити Аланæн исаккаг кодтонцæ Уæрæсей Бæгъатæри ном. Уой хæццæ, сæрмагондæй зæгъун гъæуй, амæй размæ Датий-фуртæн Лæгдзийнади дууæ ордени æма «Бæгъатæрдзийнади туххæй» майдан ке равардтонцæ, уой дæр.

Уæрæсей Уæлдæфон-космосон тухти Датити Алан нуриуæнгæ службæ кæнуй æртæ æма инсæй анзей бæрцæ.