Уæхæн загъд нин нæ фидтæлтæй байзадæй. Фал нæ абони цардарæзти ба бустæги уотæ алкæд нæ рауайуй. Уой æрæги уæнгæ дæр сæхебæл æвзурстонцæ, Дигори райони Къора-Уорсдони цæргутæ – берæ æнзти дæргъи зиндзийнæдтæ æвзурстонцæ, ниуазуни дон син ке нæ фагæ кодта, уой фудæй. Еци тухстаг фарста кæдæй-уæдæй, æнгъæлдæн, еуварсгонд æрцудæй. Ами æрæги иснæуæг кодтонцæ, 1982 анзи æхгæд ка ‘рцудæй, еци донæфсадæн цъасгæ (скважина).

Регионалон «Водоканал» æркосун кодта, 500 кубометри ка дæтдзæнæй, уæхæн комплекс, донцъирæн æма подстанцæ. Еци мадзæлтти фæрци фарста лухгонд æрцудæй, уæлæнхасæн гъæуи цæргутæн сæ бон есун уодзæнæй сахатмæ 25 кубометри ниуазуни дон.

Кустуати специалисттæ ма æркосун кодтонцæ дууæ æмбурдгæнæн резервуари, еумæ райсгæй си цæуй 500 кубометри.