Мæскуй 15-16 январи рацæудзæнæй фиццаг Еугуруæрæсеуон муниципалон форум «Минкъий Райгурæн бæстæ – Уæрæсей хъаурæ». Архайдзæнæнцæ си авд мин адæймагемæй фулдæр.

Форуми нисан æй æхсæнадæ æма паддзахадæн еумæйаг хæзнати бундорбæл Уæрæсей муниципалон æмæхсæнади еудзийнадæ фæййахедгæдæр кæнун, уæдта фæзуæтти райрæзтæн агъазгæнæг муниципалон проекттæ æма фæндитæ æнтæстгиндæрæй царди уадзунæн агъаз кæнун.

Аци ахсгиаг мадзали архайунцæ Ирæфи райони разамонæг Хамихъоти Роберт, уæдта Чикола æма Æхсæрисæри гъæууон администрацити сæргълæугутæ Саккати Артур æма Дзидзойти Тасолтан.