21 майя 2024

ФÆСЕВÆДИ ХЪÆППÆРЕС

26.08.2023 | 19:47

Еугуруæрæсеуон фæсевæдон форум «Машук»-и адтæй Цæгат Кавкази федералон зилди бон.

Уоми Цæгат Иристони минæвæрттæ сæхе равдистонцæ хъæбæр сæрæн æма арæхстгинæй. Форуми иуазгутæ æма архайгутæн зæрдæмæдзæугæ концерт равардтонцæ республики фæсевæдон комитети адæмон кæфтити ансамбль «Федæн», зартæгæнгутæ Бесолти Дианæ æма Хохойти Влад. Ансамбль «Алан»-и иуонгтæ ба зали ка адтæй, еци адæмæн бацæттæ кодтонцæ кафуни мастер-класс, уæдта сæрмагонд экспозици «Алайнаг тургъæ». Уоми адтæй лæмбунæгдæрæй базонгæ уæн нæ республики ’гъдæуттæ, традицитæ æма культури хæццæ.