Цæгат Иристони гъæууон хæдзаради министр Къусрати Алан куд фегъосун кодта, уотемæй ахсгиаг гъæууонхæдзарадон проекттæ æнтæстгиндæрæй æнхæст кæнунæн æма къабази райрæзти нæуæг программитæмæ бавналунæн 2024 анзи нæ республики паддзахадон агъази хузи, еумæ райсгæй дехгонд æрцæудзæнæй 1 миллиард сомемæй фулдæр.Министрадæ æма иннæ цæстдарæг профилон ведомствитæн ихæсгонд æрцудæй, цæмæй еугур нисангонд фæрæзнитæ дæр афойнадæбæл хъæртонцæ фермертæ æма иннæ гъæууонхæдзарадон товаруадзгутæмæ. Хæстæгдæр æнзти ахсгиагдæр программитæбæл дзоргæй, министр куд фæннисан кодта, уотемæй нуртæккæ ведомствæ республики муниципалитетти хæццæ цæттæ кæнуй гъæугæ гæгъæдитæ бундорон гъæууон цæрæн бунæтти райрæзти федералон проекттæн.