Цæгат Иристони фонсдаруни куст æнхæстгонд цæуй 127 кустуатеми. Паддзахади ’рдигæй дæр син агъазгонд цæуй. Нæ республики гъæууон хæдзаради министр Къусрати Алан куд зæгъуй, уотемæй грантти æма субсидити хузи 2023 анзи лæвæрд æрцудæй 145 миллион соми, фонс ка даруй, уæхæн хæдзарæдтæн. Министри загъдмæ гæсгæ, доцгæ гъоцитæ нæ региони дарунцæ 109 хæдзаради. Æхсири æрдугъд, евгъуд анзи хæццæ рабаргæй, фæффулдæр æй 39 мин тонни. Парахатдæр кæнуй фустæ даруни къабазæ дæр. Аци кустмæ се ’ргом раздахтонцæ 68 хæдзаради. Мадтæл фустæ дарунæн, фермертæн сæ хæрзти хай бафедунæн, уæдта фусвонси нимæдзæ исберæ кæнунæн евгъуд анзи субсидитæ радех кодтонцæ 38,4 миллион соми. Уомæй уæлдай, къабази райрæзтæн грантти хузи евгъуд анзи радех кодтонцæ 30,2 миллион соми.