24 апреля 2024

ГЪÆУУОН ХÆДЗАРАДИ РАЙРÆЗТÆН

30.09.2023 | 21:24

Уæрæсей Хецауади Сæрдар Михаил Мишустин ци бардзурд бафинста, уомæ гæсгæ нæ бæсти 32 регионемæн лæвæрд æрцæудзæнæй уæлæнхасæн фæрæзнитæ, цæмæй уоми гъæууонхæдзарадон продукций кустгæнгутæн уа равгæ сæ хæрзтæ нихгæнунæн. Уæхæн агъаз райсдзæнæй Цæгат Иристон дæр – 363,8 миллион соми. Уони фæрци гъæуама арæзт æрцæуонцæ донхуаруггæнæн мадзæлттæ: бундоронæй нæуæггонд æрцæуонцæ донуадзæн æма соргæнæн системитæ, гидротехникон арæзтитæ, уæдта зæнхитæ искæдзос кæнонцæ нæгъæугæ бæлæстæ æма зайæгойтæй. Æма уотемæй, нуриуæнгæ æдзæллаг уавæри ка адтæй, еци зæнхитæй пайдагонд цæуа тиллæгон кустади.