04 марта 2024

ХАБÆРТТÆ. ЦАУТÆ.

05.09.2023 | 16:32

Цæгат Иристони 2026 анзи уæнгæ капиталон æгъдауæй цалцæггонд æрцæудзæнæнцæ 74 скъолай, уонæй 2024 анзи авд æма дууинсæй, 2025 анзи – цуппæрдæс, 2026 анзи ба – æртиндæс. Уой туххæй игъосун кæнуй нæ республики арæзтади æма архитектури министр Моргуати Константин.

* * *

Куд нисангонд цæуй, уотемæй, Цæгат Иристони 2024 анзмæ уæлæнхасæн ма гъæуама арæзт æрцæуа скъолати фондз театри. Нерæнгæ бал нæмæ ес уæхæн 182 театри. Республики ма æнхæстгонд цæунцæ регионалон проекттæ «Театртæ – сувæллæнттæн» æма «Музейтæ – сувæллæнттæн».

* * *

Мæскуй бæрæггонд æрцудæнцæ, «Медиктæ-патриоттæ», зæгъгæ, Патриотон форуми хатдзæгтæ. Аци æнæмæнгæ гъæугæ мадзал арæзт æрцудæй фиццаг хатт. Архайдта си Цæгат Иристони паддзахадон медицинон академи дæр. Æма дзæбæхгæнæн факультети студенттæ Цирихати Мæдинæ, Бестаути Геуæрги, Гуæцæлти Азæмæт ци проект «Фæлтæрти хед» бацæттæ кодтонцæ, е нимад æрцудæй уæлахездзаути нимæдзæмæ.

* * *

Аци анз Цæгат Иристони медицинон колледжмæ ахур кæнунмæ бацудæнцæ 700 лæхъуæни æма кизги. Етæ ахур кæндзæнæнцæ мæнæ ауæхæн дæсниæдтæбæл: «Дзæбæхгæнæн гъуддаг», «Лабораторон диагностикæ», «Фармаци», «Акушерон гъуддаг», берети ба фæндуй медицинон хуæри дæсниадæ райсун. Аци ахургæнæндони ахур кæнунмæ ист æрцудæнцæ сæрмагонд æфсæддон операций архайгути цæуæт дæр.

* * *

Нæ республики ахурадæ æма науки министр Алибекти Элли загъдмæ гæсгæ, аци  анзи фиццаг æмбеси сувæллæнтти æма æнагъонти ’хсæн фудгæнди цаутæ фари аци рæстæги хæццæ рабаргæй, фæмминкъийдæр æнцæ зингæ – 30,4 процентей бæрцæ. Æнагъонти гъуддæгути фæдбæл дæлхайæдти хигъди нуртæккæ ’нцæ 258 кæстæри. Уавæри фæдбæл дзоргæй, министр куд загъта, уотемæй нуртæккæ хъæбæр ахсгиаг æй педагог æхе цардиуагæй ку æвдеса царди хуæрзведауци æма этнокультурон рохсади дæнцæ.