Дзæуæгигъæуи сæрмагонд нæуæганзон трамвай цæун райдайдзæнæй декабри кæрони æма аци аргъауи бæлццæнттæ ласæн транспортон мадзали лæвар рабалцигæнæн уодзæнæй зуймон каникулти кæронмæ.

* * *

Тогдæттæн станци бабæй исаразтонцæ фæткон еугуруæрæсеуон акци «Мах еумæ ан». Ервæзунгæнæги Бони (бæрæггонд цæуй 27 декабри) донортæ иссæнцæ æнæнгъæлти цаути министради дæс æма инсæй косæги. Зæгъун гъæуй уой дæр, æма тогдæттуни гъуддаги Цæгат Иристонæй архайгути бæрцæ ’й тæккæ фулдæр Цæгат-Кавказаг федералон зилди.

* * *

Куд нисангонд цæуй, уотемæй 2023 анзи Мæздæги райони райдайдзæнæнæцæ аразун нуриккон домæнтæмæ гæсгæ ефтонггонд агрокомплекс. Уой фæрци фæззиндзæнæй равгæ гъæууонхæдзарадон хомаг æлхæнун, æ дарун æма си цæттæ продукци райони медæгæ уадзунæн. Гъæуама си уа 170 косæн бунати.

* * *

Дигори райони Мостиздæхи гъæуи администраций сæргълæууæг Туккати Рустами загъдмæ гæсгæ, 2024 анзи сæмæ гъæуама арæзт æрцæуа культури Хæдзарæ. Аци гъуддаг ахсгиаг æй аци гъæубæстæн, уомæн æма Мостиздæх нимад æй райони тæккæ фæккæсуйнагдæр гъæутæй еуебæл: нæ си ес нæдæр культурон артдзæстæ, нæдæр спортивон зал æма сувæллæнттæн гъазæн фæзæ æма æндæр уæхæн равгитæ. Æма сæмæ кæдимайди ба фæззинниуонцæ уæддæр федералон программити фæрци.

* * *

Цæгат Иристони сабийти æма фæсевæди ацъагъуæ æма искурдиадæ бæрæг кæнуни, райрæзти фарсдарди центр «Вершина»-йи æрæги арæзт æрцудæй ахурдзау фæсевæди хеунаффæйади фиццаг форум. Æрæмбурд си æнцæ хестæр кълæсти ахурдзаутæ, сувæллæнтти æзмæлди сæрæндæр архайгутæ. Уонæн арæзт æрцудæй аллихузон ахуртæ, фæцæй син фадуат сæхе æргъудигонд проекттæ багъæуай кæнунæн.

* * *

Дзæуæгигъæуи фæззиндзæнæй медицинон реабилитаций амбулаторон хайадæ. Уой туххæй æмархайди бадзурд исаразтонцæ нæ республики Хецауадæ æма æхсæнадæ «Премиумстрой-Инвест». Аци центри агъазгонд цæудзæнæй цалдæр хузи незтæй сæйгæ адæймæгутæн  (еци незтæ уруссагау хуннунцæ: «Заболевания опорно-двигательного аппарата, а также центральной и периферической нервных систем…)