13 июня 2024

ХАБÆРТТÆ. ЦАУТÆ. НИСАНТÆ.

18.11.2023 | 14:14

Акци «Багъæуай кæнæн нæ гъæдæ», зæгъгæ, уой фæлгæти Змейки станици ниййаразтонцæ сурх толдзи дууæ мин талайемæй фулдæр. Нæуæг гъæди фæзуат байахæста 2,6 гектари. Еци арфиаг куст бакодтонцæ Кирови райони гъæди хæдзаради косгутæ, Елхотти берæкъабазгин колледж æма Змейки дуккаг астæуккаг скъолай ахурдзаутæ.

Æдеугурæй фæззигон мæйти дæргъи ниййаразтонцæ аллихузон бæлæсти еуæндæс мин талай.

***

Агротуристон парк «Иристони зæнхæ» – уотæ исхудтонцæ сæ нæуæг, цæмæдесаг объект агропромышленнон холдинг «Мастер-Прайм.Березка»-йи разамунд. Æрбунæттон æй 20 гектари фæзуатбæл Алагири райони Дзиуаригъæуи зæнхитæбæл. Инвестицион проект аразгути гъудимæ гæсгæ, анзи алли афони бунæттон цæргутæн, уæдта республики иуазгутæн дæр ами фадуат уодзæнæй фæлладуадзæн рæстæг пайдагинæй рарветунæн. Гъæууонхæдзарадон туризми райрæзтæн си арæзт æрцæудзæнæй æхсæз цæрæн хæдзари, æдеугурæй еци-еу рæстæг исиуазæг кæндзæнæнцæ 50 адæймаги.

***

Уæрæсей æмкъайадæ исфедар кæнуни фæдбæл феддон (350 соми) ист нæбал цæудзæнæй. Уой хæццæ ба æмкъайадæ фехалуни фæдбæл феддон 650 сомемæй фæффулдæр уодзæнæй 1200 сомей уæнгæ. Уæрæсей статуправлений игъосункæнуйнагмæ гæсгæ аци анзи фондз мæйемæ нæ бæсти арæзт æрцудæй 265,3 мин къайади, ихæлд ба æрцудæй 277,4 къайади.

***

Падзахадон Думæ исфедар кодта закъон, кæцимæ гæсгæ фæллойнæн федуни минкъийдæр бæрцæ 2024 январæй фæстæмæ фæффулдæр уодзæнæй, 18,5% æма исуодзæнæй 19242 соми. Уой фæрци, зæгъæн, 4,8 миллион адæймагей мизд дæр исирæздзæнæй.

***

Программи ци 44 театр æма музейи архайунцæ, уони æфтуйæгтæ аци анз Цæгат Иристони исхизтæнцæ 35 миллион сомемæ.

«Пушкинаг картæ» æй банки сæрмагонд картæ æригæнттæн. Пайда си кæнунцæ æнæгъæнæ Уæрæсей, культурон мадзæлттæмæ билеттæ æлхæнгæй, Иристони 39600 адæймагемæй фулдæр. Хæрзтæ æхемæ есуй паддзахадæ. Картæ райсæн ес паддзахадон лæггæдти портали, хе кабинети курдиадæ бадæтгæй.