Нæ республикæ исиуазæг кодта, гæрзефтонг нихмæлæуди тæссаг фæстеугутæ сæхебæл ка бавзурста, еци белгородаг районти цæрæг æнагъонти. Уони рæстæгмæ багъудæй сæ ниййергутæй фæххецæн ун æма сæ райгурæн бунæттæ ниууадзун. Нæ иуазгутæ æрфусун кодтонцæ реабилитацион центр «Тамиск»-и. Ес си еугур фадуæттæ дæр, цæмæй белгородæгтæ сæ тухстдзийнæдтæ феронх кæнонцæ, зæрдрохс уонцæ иристойнаг ауодундзийнадæ æма иуазæгуарзондзийнадæй. Арæзт син цæудзæнæй аллихузон бæстæзонæн æма хеерхæфсæн мадзæлттæ. Уой хæццæ сæ ахур дæр нæ фæкъкъулумпи уодзæнæй. Сæрмагонд автобустæ сæ ласдзæнæнцæ ахурмæ Берæгъзæнги скъоламæ.