Сентябри кæрони æртæ боней дæргъи Цæгат Иристон исиуазæг кæндзæнæй Еугуруæрæсеуон профессионалон конкурс «Маддæлон æвзаг æма литератури хуæздæр ахургæнæг»-и кæронбæттæни ериси архайгути – дæс æма фондзинсæй адæймаги. Аци мадзал мах республики уомæ гæсгæ арæзт цæуй, æма еци конкурси фарæ уæлахезон иссæй не ’мзæнхон – Бекъойти Янæ, Дзæуæгигъæуи Алайнаг гимназий скъола-интернати ирон æвзаг æма литератури ахургæнæг. Аци анзи кæронбæттæни еристи хатдзæгтæ конд æрцæудзæнæй, «Скъоламæ цæуни размæ кари сувæллæнтти маддæлон  æвзагбæл дзоруни арæхстдзийнади райрæзти фæдбæл хуæздæр фæлтæрддзийнадæ», зæгъгæ, номинаци.