Рауагъдадæ «Респект» нæ республики зундгонд æй æ берæ зæрдæмæдзæугæ хъæппæрестæ æма арфиаг гъуддæгутæй. Уонæн сæ фулдæр ба æнцæ нæ мадтæлон æма нæ национ культури алæмæтдзийнадæ багъæуай кæнуни æма сæ идарддæри райрæзти сæрбæлтау.

Уомæн еума бæлвурд æвдесæн иссæй е дæр, æма рауагъдадæ «Респект» райдæдта косун нæуæг проектбæл – цæттæ кæнуй киунугæ «2000 осетинских фамилий». Нерæнгæ бал æмбурдгонд цæунцæ Иристони муггæгти туххæй  æрмæгутæ. Æма уомæ гæсгæ ба ес курдиадæ, цæмæй еугур муггæгти минæвæрттæ дæр бадæттонцæ сæ муггæгти туххæй, уæдта сæ цитгийнаг адæймæгути туххæй бæлвурдгонд хабæрттæ. Бадæттун ба сæ гъæуй мæнæ ауæхæн адресбæл: Дзæуæгигъæу, Маркуси гъæунгæ, 41а, телефон 8-918-821-01-21.

Рауагъдадæ «Респект»-и аци хъæппæрес хъæбæр ахсгиаг æй. Уомæ гæсгæ ба нæ зæрдæ дарæн уобæл, æма ни алкедæр зæрдиагæй байархайдзæнæй, цæмæй аци киунугæ рауайа хуæрзцæттæ, медесгун, пайда æма фарнæхæссæг. Ма базийнадæ кæнетæ!