Национ проектти анзи æнхæст кæнуни нисанеуæгæй нæ республикæн 2023 анзи гъæуама дехгонд æрцудайдæ 9,5 миллиард соми, уонæй 7,5 миллиард соми – федералон бюджетæй. Æма ци фæрæзнитæ лæвæрд æрцудæй, уони фæрци арæзт цæуй 170 объекти – куд нæугутæ, уотæ раздæри объекттæ дæр. Дзубанди цæуй ахурадон æнæнездзийнадæ гъæуайкæнуйнадæ, культурæ, спорт, коммуналон хæдзарадæ, экологи æма фæндаггон инфраструктури объектти арæзтадæ, бундорон райарæзтбæл. Зæгъун гъæуй уой дæр, æма еци гъуддæгутæ исаразуни фæдбæл кæмидæрти къулумпитæгонд цæунцæ, тæссаг æй афойнадæбæл æнхæстгонд ку не ’рцæуонцæ, уомæй.