Цæгат Иристони паддзахадон университети уруссаг æма фæсарæйнаг литератури кафедри доцент Оксанæ Кравчук куд фегъосун кодта, уотемæй Дигоргоми Мæхчески уæллæй Уæллаг æма Дæллаг Фæрæскъæтти рази циртдзæвæнтæй еу нийхалдæй. Гæнæн ес, æма уони æ рæстæги исцæттæ кодта скульптор Едзити Сослæнбег. Циртдзæвæнти бунмæ циртитæ нæййес. Циртдзæвæнтæ арæзт æрцудæнцæ, ардигон адæймæгутæй æцæгæлон рауæнти ка рамардæй,  уони рохс нæмттæ исæносон кæнуни туххæй.

– Æз ардигон ке нæ дæн, уомæ гæсгæ циртдзæвæнти туххæй бæлвурд хабæрттæ нæ зонун. Сæрмагонд номхигъдтæмæ æ рæстæги хаст ке нæ ’рцудæнцæ, уомæ гæсгæ историктæ дæр уони туххæй лæмбунæг хабæрттæ нæ зонунцæ, – загъта Оксанæ Кравчук.