Цæгатиристойнаг рауагъдадæ «Ир»-и рацудæй нæ республики сувæллæнтти фиццаг энциклопеди «Мæ Иристон». Нæ республики ахсгиаг историон цаути хæццæ дзиллити ка зонгæ кæнуй, еци энциклопедий дзубанди цæуй социалон-экономикон, наукон-культурон æнтæстдзийнæдти, не ’мзæнхон номдзуд адæймæгути æскъуæлхтдзийнæдти туххæй. Энциклопедий тиражи кæцидæр хай балæвар кæндзæнæнцæ республики библиотекитæн. Хуарз уидæ, скъолатæ æма æндæр ахургæнæндæнттæмæ дæр лæвæрд ку ’рцæуидæ, уомæн æма е исуидæ зингæ агъазгæнæг фæрæзнæ нæ ирæзгæ фæлтæрти Фидибæстæ зонун æма ибæл æновуд унбæл гъомбæл кæнуни кусти.