Нæ республики гъæуама ци нæуæг кустуæттæ фæззинна, уонæн сæ ахсгиагдæртæй еу æй Æрæдони райони æзменсæ æма хури æзмæнст уадзæн,  кустуат исаразуни инвестицион проект. Аци кустуат ма уадздзæнæй гъæугæ æрмæг арæзтадон къабазæн. Проект царди рауадзуни фæрци фæззиндзæнæй нæуæг косæн бунæттæ. Æрæдони райони ба исаразуйнаг æнцæ гъæууонхæдзарадон кустуат «Труженик», дардзæнæнцæ си  стортæ, гъавунцæ 100 гъоги балхæнун. Рахесфарси райони ба 70 гектари фæзуати ниййаразуйнаг æнцæ фæткъуй алли хузти бæлæстæ.  Аци райони ма гъавунцæ ахурадон-спортивон автодром исаразун. Ами хуæдтолгитæ æскъæргути ахур кæндзæнæнцæ нæдтæбæл æдасдзийнади домæнтæмæ гæсгæ цæунбæл. Уой туххæй си уодзæнæй еугур гъæугæ мадзæлттæ дæр.