21 июля 2024

ПАДДЗАХАДОН АГЪАЗ

23.09.2023 | 21:53

Цæгат Иристони инвестицион проекттæ исæнхæст кæнунæн фæййагъаз кæнуни нисанеуæгæй аци анз Уæрæсей Хецауади фæстауæрцæ фондæй 333 миллион соми дехгонд æрцæудзæнæй нæ республики модулон фусунуæтти арæзтадæн. Нæ республики туризми гъуддæгути фæдбæл комитети сæрдари ихæстæ æнхæстгæнæг Тебиати Мадинæ куд баханхæ кодта, уотемæй  республики арæзт æрцудæй модулон фусунуæттæ, ес си 270 бунати. Фал цæмæй уавæр, куд гъæуй, уотæ исхузæнон уа, уой туххæй ба ма гъæуй тæккæ минкъийдæр, 400 уати кæми уа, уæхæн фусунуæттæ исаразун. Æма еци гъуддаг гъæуама рæхги арæзт æрцæуа еци радехгонд 333 миллион сомей фæрци.