Цæгат Иристони Национ музейи равдистити зали байгон æй равдист «Тауаситæ. Аййевадон династи». Фæууинæн си еу Цæгат Иристони æма Башкирий адæмон хузæгæнæг, ССР Цæдеси Паддзахадон премий лауреат Тауасити Сослæнбеги æма æ фурт Ростани куститæ. Мадзал исаразуни хъæппæресгинтæ иссæнцæ нæ республики Национ музей æма музей-тобæгонд «Абрамцево», кæций хæццæ æнгом баст æнцæ номдзуд скульптори царди хабæрттæ æма æ исфæлдистадæ. Равдист косдзæнæй 10 июни уæнгæ.