Цæгат Иристони идарддæри социалон-экономикон райрæзтæн ци мадзæлттæ нисангонд æрцудæй, уони номхигъди сæйрагдæртæбæл нимад цæунцæ æнæнездзийнадæ гъæуайкæнуйнади, ахуради, цæрæнуатон-коммуналон хæдзаради, фæндаггон комплекси, культури, спорт æма иннæ къабæзти ахсгиаг социалон объектти арæзтадæ æма бундорон цалцæги проекттæ. Ци 112 уагæвæрди нисангонд æрцудæй, уонæй нерæнгæ 9 æнхæстгонд æнцæ, 44 объектебæл нуртæкки æнæкъулумпитæй цæуй куст. Республики цæргутæй беретæ нуриуæнгæ пайда кæнун райдæдтонцæ, пълани мадзæлттæ æнхæст кæнгæй, муниципалитетти ци нæуæг социалон косæндæнттæ – поликлиникитæ, амбулаторитæ, рæвдауæндæнттæ, скъолатæ æма уотæ идарддæр – фæззиндтæй, уонæй.