22 майя 2024

ЗÆРДÆХЦÆУÆН ФÆНДОН

21.10.2023 | 14:35

Студенттæн сæ стипендитæ цæмæй исуонцæ фæццæруни тæккæ минкъийдæр феддони бæрцæ, уой фæдбæл закъони проекти фарс рахуæстæнцæ нæ республики Парламенти Совети иуонгтæ дæр. Уæлдæр ахургæнæндæнтти студенттæн стипендийæн нуртæккæ фист цæуй 1825 соми, астæуккаг профессионалон ахургæнæндæнтти ахурдзаутæн ба – 664 соми. Е цанæбæрæг æй, уæлдайдæр сæ бийнонти уавæртæ кадавар кæмæн æнцæ æма уомæ гæсгæ тухстдзийнæдтæ ка æвзаруй сæ ахури рæстæг, еци студенттæн. Æма син æхцæуæн куд нæ уодзæнæй, нур ци проекти туххæй цæуй дзубанди, е закъони барæ ку райсæ æма сæ стипенди фæццæруни тæккæ минкъийдæр феддони æмбæрцæ ку исуа – е абони æй 16 242 соми.