19 майя 2024

ЗОНАДОН ХЪÆППÆРЕСТÆ

13.04.2024 | 14:02

Цæгат Иристони цалдæр боней дæргъи æ куст кодта Курчатови институти ахурадон форум – ауæхæн зонадон мадзал айдагъ мах республики нæ, фал æнæгъæнæ Уæрæсей дæр арæзт æрцудæй фиццаг хатт. Зундгонд куд æй, уотемæй анзи размæ Цæгат Иристони Сæргълæууæг Сергей Меняйло æма Курчатови институти президент, зундгонд советон æма уæрæсейаг физик Михаил Ковальчук бафинстонцæ æмгустади бадзурд. Уой бундорбæл нæ республики Алагири 2-аг, Дзæуæгигъæуи 44-аг, 38-аг æма Хæзнидони астæуккаг скъолати байгон æнцæ Курчатовон кълæстæ. Форум арæзт цæуй паддзахадон программи бундорбæл, Цæгат Иристони бæлвурд æма иннæ наукитæмæ искурдиадæ кæмæ ес, еци сувæллæнтти идарддæри профессион ирæзти агъазæн.