28 майя 2022

СКЪОЛАДЗАУТИ ХУӔЛЦИ ТУХХӔЙ

18.09.2021 | 16:29

Цӕгат Иристони Сӕргълӕууӕги ихӕстӕ рӕстӕгмӕ ӕнхӕстгӕнӕг Сергей Меняйлойи бардзурмӕ гӕсгӕ райдайӕн кълӕсти ахурдзаутӕ ӕма цубуркъох бийнонти хсӕн цӕрӕг сувӕллӕнттӕн тӕвдӕ хуайраги аргъ 72 сомей уӕнгӕ исӕмхузон кодтонцӕ.

Раздӕр 1-4-аг кълӕсти ахурдзаути хуӕруйнаги аргъ адтӕй 58 соми, республики аллихузон районти льготон къуӕрттӕ ба истонцӕ 20-58 сомей аргъ хуайраг.

Нӕ республики бюджет тӕвдӕ хуӕруйнагӕй цубуркъох бийнонти ‘хсӕн цӕрӕг сувӕллӕнтти бафсадунӕн уӕлӕнхасӕн радех кодта 36,4 миллион соми (амунд къуармӕ хаунцӕ 5-11-аг кълӕсти 9837 ахурдзауи).

Феппайуйнаг: нӕ республики 1-4-аг кълӕсти еугур ахурдзаутӕн бонӕ еу хатт тӕвдӕ хуӕруйнаг раттунцӕ. Аци гъуддагӕн Цӕгат Иристон федералон центрӕй райста 256,8 миллион сомей бӕрцӕ субсиди. Аци анз 40831 цӕгатиристойнаг скъоладзауемӕн хуӕруйнаг ратдзӕнӕнцӕ.

Цӕгат Иристони Ахурадӕ ӕма науки министрадӕ анзи кӕронмӕ еугур паддзахадон ӕма муниципалон еумӕйагахурадон косӕндӕнттӕн ке бацӕттӕ кодта, хуайраги еци 10-бонон еумӕйаг номхигъдмӕ хаунцӕ айдагъ тӕвдӕ хуӕруйнаг нӕ, фал рӕзӕ, гагарӕзӕ, ӕхсирӕй конд хуӕруйнаг ӕма халсартӕй конд салӕттӕ дӕр.