28 майя 2022

«УӔРӔСЕЙАГ БИЙНОНТӔН – ЦӔРӔНУӔТТӔ»

18.09.2021 | 16:27

Цӕгат Иристони ӕ тухи бацудӕй программӕ «Уӕрӕсейаг бийнонтӕн – цӕрӕнуӕттӕ». Арӕзтадӕ ӕма архитектури министради специалисттӕ куд игъосун кӕнунцӕ, уотемӕй программи архайгутӕ сӕхецӕн фатертӕ ‘взардзӕнӕнцӕ сӕ равналӕнтӕмӕ гӕсгӕ.

«Аразӕги исбӕрӕг кодтан, ӕма куститӕмӕ бавналдта, фатертӕ куд ӕма кӕми уодзӕнӕнцӕ, е бӕрӕг ӕй. Сӕ равналӕнтӕ ӕма фадуӕттӕмӕ гӕсгӕ адӕм ӕвзардзӕнӕнцӕ цӕрӕн бунӕттӕ. Нур дӕр ма программи архайгути ӕмбурд кӕнӕн, сӕ бон ӕй курдиӕттӕ бунӕттон хеунаффӕйади администраций цӕрӕнуӕтти хайадӕмӕ, ӕнхӕстгӕнӕг  хецауади конд сӕрмагонд къамистӕмӕ бадӕттун», – зӕгъуй министради пресс-служби разамонӕг Янӕ Войтова.

Цӕгат Иристони разамонӕг Сергей Меняйлойи хъӕппӕресӕй фӕззиндтӕй программӕ, уой фӕрци адӕм райсдзӕнӕнцӕ цӕттӕ фатертӕ. Сӕ аргъ базаради аргъӕй уодзӕнӕй минкъийдӕр. Ке бафӕндӕуа, уонӕн сӕ бон ӕй курдиӕттӕ къамистӕмӕ, бунӕттон  хеунаффӕйади цӕрӕнуӕтти хайӕдтӕмӕ бадӕттун. Министради син алли фӕззелӕнтӕ амонунцӕ, ӕдеугурӕй программи фӕлгӕти фатертӕ исараздзӕнӕнцӕ 84000 квадратон метри. Араздзӕнӕнцӕ сӕ къӕпхӕнгай, арӕзт фиццаг хӕдзӕртти дуӕрттӕ байгон уодзӕнӕнцӕ 2022 анзи.