Цæгат Иристони автономий 100 анзей кадæн 26-28 июли Дзæуæгигъæуи (Коцойти Арсени гъæунги фусунуат «Дзæуæгигъæу»-и размæ фæзи) арæзт цæуй киунугути армукъа-фестиваль. Архайунцæ си Цæгат æма Хонсар Иристони, Кæсæг-Балхъари, Цæцæни, Дагестани æма Цæгат Кавкази федералон зилди иннæ рауæнти раздзæуæг рауагъдæнтти минæвæрттæ, уæдта Уæрæсей киунугæуадзгути Ассоциаций разамонгутæ æма иуонгтæ дæр. Армукъа-фестивали нæ республики цæргутæ æма иуазгутæн ес равгæ аллихузон аййевадон, наукон-публицистикон киунугутæ, уой хæццæ ба ма зæрдæбæлдарæн лæвæрттæ балхæнунæн, арæзт си цæунцæ киунугутæ ниффинсгути хæццæ фембæлдтитæ, исфæлдистадон еристæ æма гъазтизæртæ.