Сæрмагонд æфсæддон операций ка архайуй, уони бийнонтæн агъазæн Цæгат Иристони фæззиндтæй бригадæ «Агъаз кæнæн нæхеуæнттæн!..»

2024 анзæй фæстæмæ е фæййагъаз кодта 700 бийнонтемæй фулдæремæн. Тугъдонти бийнонти ку бабæрæг кæнунцæ, уæд социалон косгутæ æфсади службæгæнгути къабæзтæн балæдæрун кæнунцæ паддзахадæй сæмæ ци агъази хай хауй æма ’й куд райсун æнгъезуй, бакæнунцæ син юридикон æма психологон агъаз, фегъосун син кæнунцæ, республики санаторитæмæ балцæгтæ райсунæн ци гæгъæдитæ фæгъгъæуй, уони æрæмбурд кæнунæн, фегъосун син кæнунцæ, бæгъатæрти бийнонтæн лæвар ци культурон æма социалон мадзæлтти æй сæ бон архайун, уой.

Нæ республики цæугæ бригади куст хуарзбæл банимадтонцæ федералон æмвæзади. Партион проект «Женское движение Единой России»-мæ гæсгæ арæзт ци методикон æмбурдгонд æрцудæй «Лучшие региональные практики поддержки участников СВО и их семей», зæгъгæ, уордæмæ хаст æрцудæй иристойнæгти фæлтæрддзийнадæ дæр.