Цæгат Иристони цæргутæй, онкологон незтæй фæссæйгæ унæй ин тæссаг æй, зæгъгæ, кæбæл секк кæнунцæ, уонæн ес гъæугæ дохтиртæмæ кезуй æнгъæлмæ нæ кæсгæй хе ниффинсуни фадуат.

Уой фæдбæл нæ республики æнæнездзийнадæ гъæуайкæнуйнади министри ихæстæ рæстæгмæ æнхæстгæнæг Митцити Астан æ телеграм-канали уотæ финсуй: «Нурæй фæстæмæ сæйгити нæ гъæудзæнæй регистратурæмæ хе цæун æма кезуй лæуун. Алкæмæн дæр си уодзæнæй фадуат, æ хæдзарæй нæ рацæугæй, телефон æма электрон сервиси фæрци æнæ дзебæлæй гъæугæ специалисттæмæ – терапевтмæ, хирургмæ, кенæ онкологмæ хе ниффинсуни равгæ.

Æ загъдмæ гæсгæ, бундорон диагностикæ æнхæст кæнуни гъуддаг рæвдзæдæр кæнуни фарстамæ нæ республики бæлвурд æргом æздæхт цæуй:

– Онкодиспансери ефтонггæрзти хæццæ баст уавæр зонæн. Магнитон-резонансон æма компьютерон терапийи аппараттæ куд цалцæг кæнунцæ, уомæ комкоммæ уагæй цæстæ дарун. Аци ефтонггæрзтæ рæхги  цæмæй искосонцæ, уой туххæй агорæн æхцайæй ефтонггади уæлæнхасæн мадзæлттæ.

Нæ уацхæссæг