Республики нæуæггонд цæунцæ скъолати хуæрæндæнтти равгитæ æма гæнæнтæ. Кæд æма раздæр ниййергутæ гъаст кæниуонцæ, скъолати хуæрæндæнтти ци хуæруйнæгтæ дæттиуонцæ ахурдзау сабийтæн, уæд нур ба уотæ гъæуама мабал уа, уомæн æма еци хуæрæндæнтти ес еугур гъæугæ фадуæттæ дæр аллихузон зæрдæмæдзæугæ хуæруйнæгтæ цæттæ кæнунæн. Еугурæйдæр æнцæ нуриккон нæуæг техникæй ефтонггонд федералон программи фæрци. Рæстæги домæнтæмæ гæсгæ хуæрæндæнтти æвæстеуатæй фæззиннуй аллихузон нæуæгдзийнæдтæ. Сувæллæнтти æнæнездзийнадæбæл ауодгæй, ами пайда кæнунцæ авгин æма фарфор-фаянси тæбæгътæй, пластикон дзаумæуттæн си бунат нæййес.