24 майя 2022

«МӔ ЦАРДИ НИВӔ, МЕ ’НОСОН…»

30.09.2021 | 10:29

НИЙЙЕРÆГИ РÆВДУДÆН АККАГ АРГЪ КА КÆНУЙ, УОМÆЙ ХУЦАУ ДÆР АРАЗИ ÆЙ!..

Федарӕй ни ӕруагӕс кӕнуй, рацӕргӕ адӕймӕгути Ӕхсӕнадӕмон бони нӕ дзиллӕ аллихузон зӕрдӕрохсгӕнӕн мадзӕлттӕй барӕвдаудзӕнӕнцӕ нӕ хестӕрти – мадтӕлтӕ ӕма фидтӕлти, бабати ӕма нанати, нӕ Исфӕлдесӕгӕй син ракордзинан, цӕмӕй ма нин берӕ рӕстӕгути зӕрдрохсӕй фӕццӕронтӕ.

Е ӕнӕмӕнгӕ хуарз уодзӕнӕй, фал, махмӕ гӕсгӕ, ӕримисун гъӕудзӕнӕй хъазар хестӕртӕй нин абони цардӕгас ка нӕбал ӕй, уони дӕр. Уомӕн ӕма сӕ рӕсугъд уодикондӕй, сӕ берӕ арфиаг фӕллӕнттӕй абони дӕр цардӕгас ӕнцӕ нӕ зӕрдити:

Мӕ царди нивӕ, ме ’носон,

Цӕмӕ фӕббӕлун, ӕдта,

Ӕрмӕстдӕр ма де ’нцъулд росӕн,

Нимма кӕнӕ еунӕг ба…

Аци рӕнгъитӕ исистан Колити Витали ӕ мадӕ Анфиси (Текъойти кизги) номерӕнӕн кӕддӕр ци ӕмдзӕвгӕ ниффинста, уордигӕй. Ӕ кӕстӕртӕн уарзон мадӕ, адӕми хуарзӕн ӕновудӕй хъиамӕтгӕнӕг силгоймаг, е, кӕд абони не ’хсӕн нӕбал ӕй, уӕддӕр, кадӕриддӕр ӕй зудта, етӕ ’й арфиагӕй имисунцӕ. Мах дӕр ин абони ӕ номерӕнӕн мухур кӕнӕн сӕрмагонд ӕрмӕг (6-7-аг фӕрстӕбӕл).