06 июля 2022

ПРЕЗИДЕНТОН ГРАНТТÆ

17.06.2022 | 15:28

Цæгат Иристони фондз æнæкоммерцион организаций иссæнцæ Президентон грантти дуккаг конкурси уæлахездзаутæ æма агъази хузи райстонцæ 5,3 миллион соми.

«Республикæ Цæгат Иристон-Аланий спортивон туризми ирæзт»-и проекти фæрци спортивон туризмæй искæндзæнæнцæ райдайæн курс фæсевæдæн æма хестæр кари адæмæн, республики цæргути ‘хсæн æй парахат кæндзинан.

«Спорт – гъæубæсти» царди рауадздзæнæнцæ Толдзгуни гъæуи, Ирæфи райони. Æ фæзуатбæл исараздзæнæнцæ спортивон фæзтæ, гъазæн си уодзæнæй футболæй, баскетболæй, фæззиндзæнæй си турниктæ, «ГТО»-й нормитæ дæттуни ефтонггæрзтæ.

«Æ равналæнтæ цубургонд кæмæн æнцæ, еци адæмæн социалон туризм» исаразуни проекти фæрци æнхæст кæндзæнæнцæ экскурсион программитæ æма туристон маршруттæ.

«Æригон гъуддаг»-и проект, Октябригъæуи равдесдзæнæй, ахурадон-консультацион центр амалгъонти хæццæ æма æгуст адæми хæццæ куд гъæуама коса, уой.

«Genius loci. Дзæуæги-гъæу-Мæску»-йи проект исараздзæнæй ирæзгæ фæсевæди æмæхсæнадæ, уоми аййевадон мадзæлтти фæрци сæ хæццæ косдзæнæнцæ. Конкурсмæ балæвардтонцæ 11200 проекти бæсти еугур регионтæй. Уонæй 1890 хуæдбарæ эксперттæй райстонцæ уæлдæр баллтæ.

ГАЗЕТ «ДИГОРÆ» – АЛЛИ БИЙНОНТÆН!

2022 АНЗИ ÆМБЕСÆН.
Æ РАФИНСУНИ АРГЪ АНЗИ ÆРДÆГÆН ÆЙ 323 СОМИ ÆМА 64 КЪАПЕККИ;

УÆЛБАРТÆМÆ ГÆСГÆ БА – 288 СОМИ ÆМА 96 КЪАПЕККИ.

ГАЗЕТ «ДИГОРÆ» РАФИНСУН ÆНГЪЕЗУЙ «УÆРÆСЕЙ ПОЧТИ» ЕУГУР ХАЙÆДТИ ДÆР, УÆДТА МУХУР УÆЙÆГÆНÆН КИОСКТИ ДÆР.