24 майя 2022

РАЙОНИ СӔЙГӔДОНӔН – нӕуӕг РЕАНИМОБИЛ

03.12.2020 | 16:00

Дигори райони цӕргутӕн ӕвӕстеуат медицинон агъаз кӕнунӕн реанимобил балхӕдта нӕ республики Парламенти депутат Хъазбегти Геуӕрги.

Нуртӕккӕ цардагъазӕн еугур фӕрӕзнитӕй ӕнхӕст «Тагъз агъаз»-и машинӕ равардтонцӕ райони сӕйгӕдонӕн. Ӕ сӕйраг дохтир Сӕбанти Неля куд зӕгъуй, уотемӕй е медицинон косгутӕн ӕй дессаги агъазиау фӕрӕзнӕ, уӕлдайдӕр ба абони, пандемий тухст уавӕрти.

Хъазбегти Геуӕрги ӕй зундгонд меценат, еудадзуг хуӕрзауодӕн гъуддӕгутӕ аразуй. Нӕкӕси, нӕ республики медиктӕн агъази фонд «Иристон» арӕзт ку ӕрцудӕй, уӕд еугурей разӕй фиццагидӕр е бахаста уордӕмӕ ӕхцай фӕрӕзнитӕ. Нур дӕр арфиаг гъуддӕгутӕ аразунӕй ӕхе еуварс нӕ даруй. Дигори райони медицинон косгутӕн хуӕдтолгӕ ке балӕвар кодта, е син устур агъаз уодзӕнӕй сӕ аллибони архайди.

Зӕгъун ма гъӕуй уой дӕр, ӕма нӕ республики разамунд ӕма ӕнӕнездзийнадӕ гъӕуайкӕнуйнади Министрадӕ еугур хъауритӕй архайунцӕ, цӕмӕй нӕмӕ фулдӕр реанимобилтӕ фӕззинна, уобӕл.

– Цӕмӕй сӕйгити республикон клиникитӕмӕ бахъӕртун кӕнӕн, уой туххӕй нӕ машинӕмӕ дзорун гъӕуидӕ Дзӕуӕгигъӕумӕ. Уотемӕй сӕйгитӕн ӕвӕстеуат агъаз бакӕнун адтӕй зиндӕр. Нур нӕ архайд нез равзаруни гъуддӕгутӕ фӕррӕвдзӕдӕр уодзӕнӕнцӕ», – баханхӕ кодта Сӕбанти Неля.