Евгъуд анзи бæрæггæнæнтæмæ гæсгæ, Уæрæсей регионти фудракæндтæ тæккæ минкъийдæр адтæй Цæцæни республики, тæккæ фулдæр ба – Республикæ Коми. Уæхæн хатдзæгмæ ’рцудæй е ’ртасæнти бундорбæл Уæрæсей информацион агентадæ.

Куд рабæрæг æй, уотемæй Цæцæни республики 2023 анзи бæлвурдгонд æрцудæй 14,6 фудракæнди 10 мин цæрæгемæ гæсгæ нимайгæй. Дуккаг бунатмæ рацудæй Мæхъæли республикæ (40,8 фудракæнди), æртиккагмæ ба – Дагестан (43,7). Тæккæ бæрзонддæр бæрæггæнæн исбæлвурд кодтонцæ Коми (213,2); Карелий (210,1), Алтайи республики (209,2). Цæгат Иристон байахæста 37-аг бунат. Республики 2023 анзи дæс мин адæймагей хинцгæй æрцудæй 127,5 фудракæнди.