Цæгат Иристони устурдæр базарадон центрти бахезæнтæ куд ефтонг æнцæ пандустæ æма сахъат адæмæн гъæугæ иннæ техникон фæрæзнитæй, уой исбæрæг кæнуни нисанеуæгæй нæ республики экономикон ирæзти министради æма æндæр профилон ведомствити минæвæрттæ бабæрæг кодтонцæ 34 аллихузон базарадон центри. Хатдзæгтæмæ гæсгæ, коляскæбæл ка цæуй, еци сахъат адæймагæн гъæугæ еугур техникон фæрæзнитæй ефтонг æнцæ айдагъдæр 2 базарадон центри. Уæхæн равгитæ кæми нæ разиндтæй, еци базарадон кустуæтти хецæуттæн ба ихæсгонд æрцудæй, цæмæй аци къуари адæмæн сæ организацити æвæстеуатæй исаразонцæ еугур гъæугæ фадуæттæ дæр.