Зундгонд куд æй, уотемæй 1-7 мартъий Сочий рацæудзæнæй фæсевæди Еугурдуйнеуон фестиваль. Уоми архайдзæнæнцæ Цæгат Иристони минæвæрттæ дæр – дæс æма цуппаринсæй кизги æма лæхъуæни.

*  *  *

Æ фæзуат 261 гектари кæмæн уодзæнæй, уæхæн нæуæг цæрæн микрорайон исаразуйнаг æнцæ Дзæуæгигъæуи.

*  *  *

Сæрмагонд æфсæддон операций архайгутæн ка агъаз кæнуй, еци медицинон косгутæн 2024 анзи  дæр фист цæудзæнæнцæ социалон феддонтæ. Уой фæдбæл унаффæ бафинста Уæрæсей премьер-министр Михаил Мишустин. Еци феддонтæ син фист цæудзæнæнцæ, ка си ци бунати косуй æма æ бакусти еумæйаг рæстæгмæ гæсгæ.

*  *  *

Уæрæсей статистикон управлени куд игъосун кæнуй, уотемæй нæ бæсти цæргутæй фурнард ка кæнуй, уони бæрцæ зингæ фулдæр кæнуй. Зæгъæн, 2022 анзи бæлвурдгонд æрцудæй фурнард кæнуни 419 мин цауемæй фулдæр – е æй 2021 анзи бæрæггæнæнтæй 10% фулдæр. Зæгъун гъæуй уой дæр, æма уони ’хсæн 14 анзей уæнгæ кари сувæллæнтти бæрцæ ’й 108 мини, никки 40 мин цауи ба 15-18-анздзуд æнагъонти хæццæ баст.

*  *  *

Кавказаг Сæнай (Хъазбеги) хонх бахастонцæ Уæрæсей еугуремæй зæрдæмæдзæугæдæр фондз хонхей номхигъдмæ.

Балцитæн лæггадгæнæг сервис tutu.ru: 2 мин адæймагемæй фулдæрей æхсæн æрфарст исаразта. Бæлццæнттæ Уæрæсей еугуремæй зæрдæмæдзæугæдæр циуавæр хуæнхтæ нимайунцæ, зæгъгæ, эксперттæ уæхæн фарста равардтонцæ.

Номхигъди фиццаг бунат байахæссæг Эльбруси хонхбæл исгъæлæс кодтонцæ æрфарсти архайгути 21,61 проценти. Амунд хонхи фæсте номхигъди бунæттæ байахæстонцæ сочийаг Ахуни хонх (19,37 проценти), алтайаг Белухай хонх (9,44 проценти), Сæнай хонх (4,84 проценти) æма Красноярски крайи Саяни хонх (4,44 проценти).